我地係好靚㗎

繼Halloween Dora事件發生後， 昨天晚上，小暄又在問起我有關Halloween的事。

「爸爸，我可唔可以下年去Trick-or-Treat呀？」

「唔得！你有冇見到爸爸媽媽去Trick-or-Treat呀？」

「冇！點解呀？」

「因為天父唔鐘意囉！我地係天父嘅小朋友來的，我地唔要做天父唔鐘意我地去做嘅嘢！而且Trick-or-Treat 好危險㗎，可能會見到 stranger 㗎。」

「天父係唔係勁到爆㗎？」（都唔知佢係邊度學翻嚟）

「係呀！」

「噉，我可唔可以穿costume呀？」

「小暄呀，其實我地係唔需要穿costume㗎。我地每一個人已經係最靚㗎喇。每一個人都是按天父個樣造的（好難給一個只得五歲的小朋友解釋什麼是神的image）。天父是最靚的，所以我地已經是最靚的了。穿了costume扮鬼扮馬反而會變得唔靚。你明白嗎？」

「哦！」

「所以，爸爸媽媽決定每年Halloween前都送你一件新衣服，等你穿得好靚好靚地上學，好嗎？」

「好呀！好呀！...我想要Cinderalla個條裙！」

「... 」