婚「並」唔係敢結！

對於擁有著兩名女兒的夫婦來說，兩公婆能夠安靜地睇電視實在是一件非常難得的事情。通常都會在深夜或當女兒們熟睡後才會發生。近兩個星期，我便和太太正在「煲」緊一套叫「女人唔易做」嘅電視劇。聽聞這套劇在香港上影時相當收得。

老實講，睇頭果幾集又真係幾有趣嘅。有Ｄ笑料，有時又有Ｄ驚喜。不過，睇多兩集便覺得越來越唔對勁。事關故事中的人物關係越來越複雜。尤其是男主角們與女主角們間的男女關係，就更冇眼睇...離婚、婚外情、第三者、單親媽媽、要仔唔要公、一夜情、同居、婚前性行為... 本來是自己的老公變成了上司嘅老公；本來是好朋友的老婆後來卻成了自己的老婆... 總而言之，你想得出的又或者想唔出的複雜男女關係，你都可以係這套劇之中找到。

我和太太越睇就越「火滾」。一方面對劇中的男女價值觀全不認同，另一方面則感概：這豈不是今天我們所面對的社會麼？許多人與劇中的主角一樣，重視結婚的決定，卻不尊重婚姻的承諾。

儘管男女方之間有多少的謊言和不盡不實，只要有感覺，開心，便可以住埋、生仔、結婚。但只要感覺一過，又或者遇上少許生活上的拙折和不協調，便可以大條道理地去提出離婚。

我和太太之所以睇到「唔舒服」是因為我倆所認識的男女關係和過去八年我們所經歷的婚姻並不是這樣。我們深信彼此間的坦誠和信任能夠建立一段更穩固的關係。當關係中間有信任和坦誠時，兩人的衝突不單止不會輕易影響彼此間的關係，解決問題的過程反而會叫我們更認識自己和對方。以致彼此間的承諾和委身變得更加穩固。穩固的承諾帶來了更深的彼此尊重，而至終帶來更甜蜜的婚姻關係。

我講這些話，唔係因為我地啱！而是我和太太的婚姻就根本就係敢。如果你話「如人唔易做」？我就話「婚並唔係敢結」就真！